GaliciaEmpleo.net

Andrómena Teatro presenta hoxe en Vigo a súa montaxe A porta cerrada. O traverso da representación fantástica dun extraño inferno sen diaños nen lume, expón Sartre con turbadora violencia a súa visión das relacións humanas, da colisión constante das liberdades, da pugna sempre renovada das conciencias particulares. As tres personaxes da obra atópanse pechados nunha habitación, que será xustamente o seu inferno, porque están condenados a permanecer sempre xuntos, atormentándose coa súa mutua presencia. O inferno, para cada un, son os outros.

Som do Galpom nace en 2005 en A Moniña coa idea de apostar por unha formación innovadora e orixinal que se apoiase nas raíces de tres estilos de música diferenctes que, ó mesmo tempo, semellaban moi parellos como son o funky, o reagge e o rap.

Esta fin de semana celébrase unha das festas máis importantes de Laracha, a de San Isidro Labrador, organizada ano tras ano polo Concello para lembrar a importancia que sempre tiveron no municipio a agricultura e a gandería. Durante estes días terán lugar diferentes actividades como a representación de A língua das bolboretas, da man de Teatro do Andamio; exposicións de encaixe de palillos, manualidades e pintura e actuacións musicais.

Estas son as estreas que chegan esta fin de semana ós cines galegos:

La crisis carnívora

El cielo dividido

Honeydripper

La isla de las almas perdidas

No tan duro de pelar

Sentencia de muerte

Sultanes

Una chica cortada en dos

Una noche para morir

María Puertas inaugura a súa exposición A casa coroada, no que é o seu gran reencontro expositivo con Ourense despois de gañar hai un ano o premio Pura e Dora Vázquez de Ilustración. Puertas é un dos novos valores da plástica ourensá, cunha mostra completa que inclúe pintura, grabados e creacións con teas.

Teatro Ensalle pón en escea a obra Te has perdido el mar, unha montaxe sobre a condición de actor que presenta a tres intérpretes en distintos momentos profesionais: etapas que van dende a ilusión de empezar ós altibaixos entre o medo e o éxito.

Vilagarcía de Arousa organiza unha nova edición do Festival do Norte. Durante dous días, os asistentes poderán gozar coa música das bandas máis importantes do panorama musical independente, como Triángulo de Amor Bizarro, La Habitación Roja, Sidonie ou Facto delafé y las Flores Azules, entre outros. Os asistentes disporán ademáis de zona de acampada libre.

Mr. Whiz é un trío formado en Vigo en decembro de 2002, que presenta temas que recuperan o swing, nunha descarga de adrenalina con base de rock e hillbilly. O éxito dos seus discos levounos a tocar en Bélxica e Holanda e ser seleccionados para participar en festivales norteamericanos e franceses. Hoxe actúan en Ourense.

Ferrol acolle a presentación do espectáculo Kamikaze, unha posta en escea de Pistacatro que aúna teatro, circo, ilusionismo e música en directo e no que se presentan a sete misteriosas personaxes. Con Kamikaze, o Centro Dramático Galego retoma a coprodución con compañías privadas que fora unha liña importante de traballo nos seus inicios.

Hoxe celébrase o I Festival Rosal Rock, organizado pola Agrupación Musical do Rosal. No festival reúnense estilos tan variados como o hardcore, o pop alternativo, o blues ou o emo da man de Area, The morning glory, Pants off, Losthopes, Xerock e Maryland.

Isga é máis que un grupo musical. É un colectivo formado por artistas de diferentes disciplinas, que ofrece unha imaxe intimista e moderna de Galicia, pero sen esquecer as súas raíces e tradicións. O seu primeiro disco baséase nos poemas escritos por Martín Códax. Hoxe actúan en Foz.

Carlos Bau vén de lanzar o seu primeiro álbum Tiempo al tiempo. O single, Ángeles enfadados, soa en varias emisoras nacionais e comparte escenario con artistas como Antonio Vega. Ademáis, coa súa canción Los besos, acadou o segundo posto no Concurso Nacional de Novos Talentos organizado polo diario Metro. Hoxe actúa na Coruña.

O Colexio de Fonseca acolle unha exposición homenaxe ó escultor tudense Cristino Mallo. A mostra inclúe máis de 80 pezas de bronce, debuxos e aguaches que permiten realizar un percorrido pola delicadeza das temásticas habituais do artista. O plantexamento didáctivo estará reforzado por paneis informativos, tanto biográficos como sobre os métodos que o escultor usa en cada unha das súas obras.

O Teatro Rosalía acolle hoxe a Festa da Língua, un acto festivo que será presentado por Xurxo Souto e que contará coas actuacións das Cantareiras da Ardebullo e Xavier Día Sexteto. O presentador da gala, Xurxo Souto, lerá un manifesto elaborado para a ocasión por Sechu Sende, baixo o título O camiño da lingua. Posteriormente, terá lugar a actuación do grupo humorístico Os dous de sempre, formado por Marcos Pereiro e Xosé Antón Touriñán, na que interpretarán as Cantareiras de Ardebullo, dúas cantareiras dunha pequena aldea galega que usan a música tradicional para parodiar con retranca algunhas situacións do acontecer diario de calquera vila galega. Para rematar o acto, terá lugar a actuación musical de Xavier Díaz Sexteto.

Os lucenses Holywater presentan o seu novo disco Tranquility. Tras varios álbumes no mercado, a banda atópase no seu mellor momento presentado temas potentes que atopan o seu punto álxido nos seus directos.

Revolujoin é unha banda nacida en 1996 que fan música dentro do que denominan free-pop, etiqueta coa que etiquetan a súa propia visión do rock e o pop. Actualmente teñen un disco no mercado, La vida habla cuando paran los relojes, e hoxe actúan en Pontevedra acompañados pola banda Click.

Durante catro días, o salón de actos do Marco acolle o ciclo de vídeo Unha estaca na lama, un foxo cinta. O campo expandido do Land Art, 1968-2008. Tomando prestado o seu título dos escritos de Robert Smithson, este programa presenta unha selección de imaxes en movemento que forman parte da memoria histórica do Land Art, acompañadas de producións de artistas contemporáneos.

O Forum Metropolitano adica a Sala Fernando Rey ós ciclos Documentais en dixital e Sorrisos europeos. Esta fin de semana co filme A fost sau n-a fost?, de Corneliu Porumboiu. O filme é un retrato, en clave de comedia, dunha pequena cidade rumana 17 anos despois da fuxida de Ceaucescu.

Mentres na Sala Marilyn Monroe proxectase o filme Ressources Humaines, de Laurent Cantet, dentro do ciclo Saíndo da fábrica, organizado pola Confederación Intersindical Galega. O filme que servir para presentar un debate en torno ás novas formas organizativas de traballo e a xornada laboral.

Hoxe xógase a Final da Copa da UEFA

A obra teatral El pobrecito embustero, de Víctor Ruíz de Iriarte, transfórmase nunha brillante interpretación a través da lectura, co ciclo Teatro Lido. Esta comedia sitúa ó público ante un retrato que busca ser proposto como un modelo real, alleo á literatura convencional. Nunha liña humorística, El pobrecito embustero chega para ser lido na Fundación Caixa Galicia de Pontevedra.

A portuguesa María do Ceo presenta en Galicia o seu séptimo traballo, Tan lonxe, tao longe. Con esta nova creación ofrece un repertorio de cancións que mesturan ritmos e instrumentación galegos e portugueses, nunha viaxe que percorre de norte a sur o extremo atlántico da península, dende Camariñas ata Lisboa. Hoxe actúa en Lugo.

O dúo Sete Saias xorde no seo do Conservatorio de Música Tradicional da Escola de Artes e Oficios de Vigo e está composto por Marta Quintana e Clara Pino. No seu proxecto musical abarcan non só a música tracicional, senón tamén a música de autor contando con temas propios. Hoxe actúan en Vigo.

Cool Beat nace en 2005 a modo experimental. Despois de moitos ensaios e actuacións en locais galegos, dous dos integrantes deciden crear o grupo oficialmente e comezan a incluir no seu repertorio composicións propias. A formación busca un son persoal a través das súas composicións fusionadas con influencias afroamericanas e europeas, aínda que tamén recrean temas de grandes clásicos con arranxos propios moi orixinais. Hoxe actúan na Coruña.

O CGAI adica hoxe a súa sesión ó ciclo Contos de Marineda: A Coruña e o cine, coa proxección de León y Olvido, de Xabier Bermúdez. Cunha periodicidade dun día semanal (os martes) o CGAI, en colaboración co Concello da Coruña, organiza unha proxección de traballos cinematográficos vinculados á cidade da Coruña con motivo do seu 800 aniversario. O ciclo, enmarcado de forma ampla, achega desde obras con imaxes recuperadas da cidade ou ambientadas nela, títulos localizados e rodados na urbe ata películas nas que interveñen profesionais orixinarios dela, atendendo ademais ás diferentes épocas.

O CGAC organiza un seminario en torno á figura do cineasta Alexander Sokurov, unha figura que se mostra como esencial para entender as mutacións que se están a producir no eido da linguaxe cinematográfica. O seminario, baixo o nome Sokurov: a voz solitaria do home, acompáñase dun ciclo de cinema que tenta abranguer as diferentes facetas da poliédrica obra deste cineasta.

A Asamblea Republicana presenta as obras de Leo Bassi, O Bufón, A Sociedade e o Laicismo e Revelación. Nos seus shows, Bassi advirte contra as necedades e a intrasixencia das grandes relixións, reivindicando o humor como arma contra as tebras. Nun mundo polo que se expande o fundamentalismo relixioso e no que hai que loitar por unha sociedade laica.

Lugo acolle a VI mostra de Teatro Cidade de Lugo coa representación de Pensión, de Xoán C. Laxe, O divino sainete, de Curros Enríquez e Picnic, de Fernando Arrabal.

O CGAI adica a súa sesión de hoxe ó ciclo Baff, 10º aniversario, coa proxección do filme Yi Yi.

En colaboración con Baff (Festival de Cine Asiático de Barcelona) e IVAC-Filmoteca de Valencia, o CGAI organiza un ciclo con motivo do 10º aniversario do festival, cunha selección dos títulos máis representativos que amosan a efervescencia, variedade e singularidade das propostas contemporáneas chegadas dende Asia.

A galería Espacio 48 acolle a exposición Facendo tempo, de Vicente Prego. A obra deste artista fluctúa entre o conceptualismo e o informalismo de estructura xeométrica. As súas gamas son neutras en negros, terras e sienas, cunha referencia formal mínima ós brancos. Insinúa paisaxes ou interiores onde os obxectos son sínteses de trazos nun ambiente que os dilúe en azuis e grises.

Todos os xoves ata o mes de xullo, o Centro On de Caixa Galicia da Coruña, acolle o ciclo Curtavisión, no que se proxectará unha selección das mellores produccións deste xénero. Organizado pola Asociación Durmevela, este circuíto de proxeccións convocará a algúns dos directores noveis máis actuvos, que presentarán ós asistentes as claves do seu traballo.

O Centro On Caixa Galicia abre as súas portas para ofrecer uns talleres básicos de iniciación á pintura e escultura, baixo o título de Enred@rte, que conta ademáis cunha saída a unha exposición unha vez ó mes. Con estas actividades, preténdese un modo de ensinar a coñecer e ver, e de despertar o interese na arte.

A Galería DF Arte acolle a exposición El mundo perdido, de Jordi Ribes. Ribes define a súa obra como a exposición do mundo mental que transcorre polo xénero fantástico e de ficción, a violencia e o espertar sexual a través de fragmentos narrativos que deixa á libre disposición do espectador. Para iso sérvese de personaxes e citas a miúdo procedentes dos contos, dos cine, da televisión, do cómic ou a literatura.

O Museo do Pobo Galego acolle a instalación pictórica do artista galego nado en Venezuela Darío Basso, titulada Algoritmi Dixit. Na pintura de Basso aprécianse influencias de Paul Klee e os grandes surrealistas, pero tamén nótase a transformación do observado, a textura da cerámica, os mundos intuídos e a morfoloxía dos crustáceos ou da vexetación algada.

A Asociación Cultural Alexandre Bóveda acolle unha exposición do fotógrafo Diego Naya, baixo o nome India branco e negro. A mostra recolle unha serie de retratos en branco e negro, realizados nunha viaxe ó longo de diferentes rexións pola zona norte deste país. Olladas de nenos e anciáns, que xurden de forma espontánea, ó pé da rúa. Cada imaxe suxire a historia dunha vida singular. Naya é un fotógrafo de Laracha que traballou para diversos xornais como El Ideal Gallego, Diario de Bergantiños ou Dxt Campeón, entre outros. Actualmente colabora coa Axencia EFE.

A Galería Sargadelos acolle a mostra O eco da memoria, unha exposición formada por obras da ilustradora galega Alicia Suárez, o extremeño Miguel Tanco e o suízo afincado en Galicia Marc Taeger. A mostra está organizada pola editorial Kalandraka.

Destacados pintores do cambio de século danse cita en Santiago. A sede da Fundación Caixa Galicia mostra a exposición Sorolla e os seus contemporáneos, na que se pode ver a colección de pintura española do Museo de Belas Artes de La Habana. A exposición reúne un conxunto de 60 obras de Sorolla, Zuluaga, Santiago Rusiñol, Anglada Camarasa ou Cubell, entre outros.

CGAC acolle unha exposición monográfica de Guillaume Leblon, na que se inclúen algunhas pezas xa producidas con anterioridade, ó tempo que se fai énfase na producción de novas obras. Así, cada un dos seus traballos adquire unha característica contextual e unha especifidade moi vinculada ó edificio de Álvaro Siza. O artista interroga o espazo de Siza nas relacións entre interior e exterior, a contención expresiva en beneficio dunha finura nos detalles ou na sensibilidade formal.

Tras o éxito obtido polo primeiro Obradoiro de Voz Expresiva, Caixanova repetirá esta iniciativa os días 22 e 29 de abril, 6,13, 20 e 27 de maio e o 3 e o 10 de xuño. A finalidade deste llaer non só é descubrir as posibilidades expresivas da voz, senón tamén educala e exercitala para que capaz de emocionar ó oínte. O obradoiro enmárcase no Espacio Literario Caixanova e estará impartido por Alicia Borrás, unha muller que leva máis de 20 anos adicada ó mundo da expresión e comunicación como actriz de televisión e dobraxe, directora e profesora de teatro e monitora de interpretación.

Coa idea de facer chegar o ciena todas a quelas poboacións que non contan con salas de cine xurde Cinemas Dixitais na Illa de Arousa, onde se proxectará cine en galego menos comercial do habitual. O Concello da Illa de Arousa leva a cabo unha programación que durará ata o 31 de maio e que se levará a cabo ao longo das fins de semana.

As películas son as seguintes:

O tesouro (de Anxel Fole): 24 de febreiro / 19.00h

Condenado a vivir: 19 de marzo / 20.00h

O Partido: 20 de marzo / 20.00h

Secuestrados en Xeorxia: 21 de marzo / 20.00h

Entre Bateas: 23 de marzo / 20.00h

Mais ca Irmáns: 30 de marzo / 20.00h

A Biblioteca da Iguana: 27 de abril / 19.00h

Sara: 31 de maio / 19.00h