Enténdese por autoemprego toda actividade laboral xerada polo suxeito que a exerce de xeito directo; isto é, por aquelas persoas que traballan en unidades económicas da sua propiedade, que as dirixen e que obteñen ingresos das mesmas, persoas que teñen iniciativa empresarial dabondo como para crear a sua propia empresa, sexa grande ou pequena. No autoemprego atópanse diversas categorías profesionais: empresarios sin asalariados, membros de cooperativas e axudas familiares.

Para optar polo autoemprego é preciso deseñar un plan de empresa, é dicir, definir claramente cál vai ser a nosa empresa, qué medios imos precisar para poñela en marcha e todo-los aspectos existentes entre o intre no que a nosa empresa é só unha idea ata que está funcionando.

Debémonos informar das formas xurídicas de constitución e trámites legais da sua posta en marcha, así como das axudas e subvencións para a creación de empresas.

A idea inicial xurde como consecuencia da detección dunha oportunidade de negocio pero ¿ónde podes atopar ideas para a tua empresa?

·        Experiencia profesional previa

·        Estudos

·        Hobbies/aficións

·        Habilidades

·        Detección de necesidades do mercado ou das suas deficiencias

·        Trocos de mercado

·        Novas tendencias de consumidores

·        Inventos/novos xeitos de traballar

Outro elemento a ter en conta é a innovación:  significa que a túa empresa sexa innovadora, que teñas un proxecto innovador. Nembargantes, lembra que non tes por qué inventar nada novo. En moitos casos, con aplicar a tua experiencia/xeito de traballo ou desenvolver o teu proxecto nun determinado mercado, a tua empresa pode ser viable.

Unha vez atopada a idea, o paso seguinte é traballar coa mesma, darlle forma ao noso proxecto de empresa e evalua-lo. A ferramenta que utilizaremos é a realización do plan de empresa. Mediante o mesmo, poderemonos asegurar de que a nosa idea pode sair adiante, realizar trocos no noso proxecto, reorienta-lo ou incluso propoñer-o ou descarta-lo. A realización do plano de empresa supón plasmar sobre o papel, de xeito ordeado, todo aquelo que temos na cabeza. Lembra, ademáis, que o plano de empresa ten unha dobre finalidade:

·        Reflexioar sobre o proxecto empresarial

·        Dispoñer dunha carta de presentación a terceiros (bancos, institucións, novos socios, etc.)

Non hai un único xeito de redacta-lo, pero sí uns contidos mínimos:

·        Presentación da empresa e do emprendedor

·        Definición par producto/mercado

·        Plano de marketing

·        Plano de operacións

·        Organización e recursos humáns

·        Plan económico e financeiro

·        Aspectos formais da empresa

·        Valoración final

Debes ter en conta, ademáis, que o plano de empresa debe ser breve, redactarse nunha linguaxe clara e concisa e incluirse só aspectos que aporten información de utilidade. A presentación do mesmo debe estar cuidada. Lembra que é a tua carta de presentación.

¿Quén pode axudarte?

            En cada administración desenvolverónse numerosos organismos que colaboran contigo evaluando os plans de empresa e orientando sobre o futuro e a viabilidade de cada unha das ideas. Tamén hai, organismos públicos e privados que sacan a concurso público anualmente diferentes convocatorias de subvencións, créditos ou axudas á creación de novas empresas. A creación de empresas é unha vía de futuro que permite canalizar ideas e esforzos de moitas persoas dispostas a traballar por unha idea propia.

            Unha páxina que pode resultar de interese é a páxina web do IGAPE, ademáis das páxinas de cada comunidade autónoma.