As Axencias de colocación son entidades que colaboran cos Servizos Públicos de Emprego na intermediación no mercado de traballo, co fin de axudar ós traballadores a atopar un emprego e ós empregadores á contratación dos traballadores axeitados para satisfacer as suas necesidades.

            Poden crear unha Axencia de Colocación as personas físicas ou xurídicas, calquera que sexa a sua natureza, que actúen sen fins lucrativos.

            As condicións pra crear unha Axencia de Colocación son:

·        Garantir o principio de igualdade no acceso ó emprego, no seu ámbito de actuación

·        Limitar seu ámbito de actuación ó determinado no correspondente convenio de colaboración

·        Non subcontratar con terceiros os servizos obxecto da autorización concedida

·        Estar autorizada polo Servizo Público de Emprego Estatal ou Servizo Público de Emprego Autonómico correspondente

·        Levar unha contabilidade separada e ter conta bancaria independente e exclusiva para tódolos gastos e ingresos derivados da súa actividade

As axencias de colocación poden recibir remuneración do empresario e/ou do traballador polos servizos que ésta lles preste. Consideranse servizos prestados a oferta ou presentación ós empregadores dos traballadores solicitados polos mesmos, sempre que ditos traballadores se axeiten ó perfil profesional dos postos de traballo a cubrir, existentes nas empresas.

As obligacións dunha Axencia de Colocación son remitir ó Servizo Público de Emprego Estatal ou Servizo Público de Emprego Autonómico correspondente datos sobre:

·        Demandas de emprego:

o       Altas e baixas dos solicitantes de emprego

·        Ofertas de emprego:

o       Traballadores enviados a ofertas

o       Traballadores que declinasen presentarse

o       Traballadores que rexeitasen un posto de traballo con exposición dos motivos

o       Traballadores que fosen rexeitados pola empresa, con causa do rexeitamento

o       Traballadores contratados